У фінал нацыянальнага адборачнага тура міжнароднага конкурсу песні “Еўрабачанне-2008″ (”Еўрафэст”) выйшлі Руслан Алехно, Гюнешь Абасава (Gunesh), групы “Па вачах” і “Litesound”.

Такое рашэнне прыняло журы па выніках паўфіналу, які прайшоў 21 снежня. Акрамя таго, Р.Алехно заняў першае месца па выніках гледачовага галасавання.

Усяго ў паўфінале выступілі 15 удзельнікаў. Фінал “Еўрафэста” адбудзецца праз месяц. У траўні пераможца выступіць у паўфінале “Еўрабачання-2008″ у Белградзе (Сербія).

Другая ў гісторыі дзіцячага “Еўрабачання” перамога ў Беларусі. Аляксей Жыгалковіч на Міжнародным дзіцячым конкурсе песні “Еўрабачанне -2007″ сёння ў Ратэрдаме стаў пераможцам. 11-летні мінчук разам з групай “All stars” выканаў песню “З сябрамі”.

Напружаная барацьба разгарнулася паміж ансамблем з Арменіі “Аревік” і Аляксеем Жігалковічам падчас аб’яў вынікаў галасавання. Першапачаткова лідыравала армянская група. Аднак у другой частцы галасавання сітуацыя змянілася, разрыў паміж армянскім калектывам і беларускім удзельнікам скараціўся. Ключавым стала рашэнне літоўскіх гледачоў, якія паставілі Беларусі самую высокую адзнаку - 12 балаў. Тым самым Аляксей Жігалковіч апярэдзіў свайго найблізкага канкурэнта - армянскі калектыў.

У Міжнародным дзіцячым конкурсе “Еўрабачанне-2007″ удзельнічалі прадстаўнікі 17 краін. Беларусь стала ў другі раз пераможцам дзіцячага конкурсу “Еўрабачанне”. Упершыню перамогу краіне прынесла Ксенія Сітнік у 2005 году. А у 2006-м Андрэй Кунец заняў другое месца.