Цудоўнае шоў з барабанамі, неблагі вакал, але нажаль на мой лад песня не ўкладваецца ў фармат Ўерабачання, таму толькі 4 з 12 балаў.

Усе сціснем кулачкі і будзем балець за нашага Дзіму!

Да паўфінала засталося ўсяго 2 дні! Нагадваем, што Дзіма выступіць пад нумарам чатыры. Глядзець шоў у прамым эфіры можна будзе на “Першым канале” ці па тэлеканале “Беларусь-ТБ” у 22:00. Таксама ў нас будзе 15 хвілін на галасаванне, замест 10 хвілін у мінулым годзе.

Тэлефонныя нумары для галасавання будуць паведамленыя падчас прамой трансляцыі конкурсу.
Кошт званка з хатняга тэлефона – 1000 беларускіх рублёў.

Канцэртны выступ нашага ўдзельніка масава не афішавалася (адзін плакат А4, гл. на фота). Кліч, мабыць, быў “па сваіх”. “Сваіх” у Фінляндыі апынулася залішне шмат (дарэчы, тут дазволеныя аднаполыя шлюбы), спазнелым прыйшлося здавольвацца праглядам выступу на прыступках.
Дарэчы, адназначны фаварыт гей-тусоўкі сёлета менавіта Калдун. Нагадаем, што летась ім быў Дзіма Білан, які 10 траўня павінен сустрэцца са сваімі адданымі фінскімі фанатамі. Толькі ўжо ў іншым гей-клубе. Іх у сталіцы дзесяць. Насельніцтва каля 800 тысяч чалавек!

Учора, 2 траўня ў сталіцу Хельсінкі (Фінляндыя), дзе 10-12 траўня пройдзе міжнародны конкурс песні “Еўрабачанне-2007″, адправілася афіцыйная беларуская дэлегацыя.

Ужо сення, 3 траўня адбудзецца першая рэпетыцыя паўфіналістаў. Апроч пяці абавязковых рэпетыцый, артысты прымуць удзел у прэс-канферэнцыях, вечарынках краін-удзельніц, канцэртах у Еўравеске. Упершыню 8 траўня ў Хельсінкі адбудзецца сумесная вечарынка Беларусі, Расіі і Ўкраіны.

Нагадаем, Беларусь на конкурсе прадставіць Дзмітрый Калдун. Усяго сёлета ў “Еўрабачанні” прымуць удзел 42 краіны — рэкордная колькасць удзельнікаў за ўсю гісторыю песеннага конкурсу!

Выступ беларускага прадстаўніка і іншых паўфіналістаў гледачы Першага канала і тэлеканала “Беларусь-ТБ” убачаць 10 траўня ў прамой трансляцыі ў 22.00. У паўфінале прымуць удзел прадстаўнікі 28 краін. Нагадаем, паводле жараб’ёўкі, Д. Калудн будзе выступаць пад чацвёртым нумарам.

Прамая трансляцыя фінальнага тура конкурсу адбудзецца 12 траўня на Першым тэлеканале і “Беларусь-ТБ” у 22.00. У фінале прымуць удзел канкурсанты з 24 краін: 10 лепшых з кваліфікацыйнага раўнда (паўфіналу) і 14 абавязковых удзельнікаў фіналу. Гэта краіны “вялікай чацвёркі” (Вялікабрытанія, Нямеччына, Іспанія, Францыя), якія ў найбольшай ступені вызначаюць матэрыяльную базу “Еўрабачання”, і 10 лепшых па выніках фіналу “Еўрабачання-2006″ (Боснія, Ірландыя, Фінляндыя, Літва, Грэцыя, Швецыя, Расія, Украіна, Румынія, Арменія).